لسه مااتخطبتيش؟؟؟؟ تعالى بسرررررررررعه
السلام عليكم ورحمة الله
بصوا بقى يا بنات الفكرة دى كنت مترددة ومحروجة لحد يزعل منى بس انا شجعت نفسى انى اقلها و اتوكل على الله واكتبها وخصوصا اننا هنا معظمنا لسة مجلوش نصيبواا اوعشان انا معتبركوااخواتى نفسى افدكم حتى ولو بشىء بسيط و ربنا يسعدنا جميعا يارب امين ويساعد كل بنوتة
المهم مش هطول عليكم هدخل كدا فى المهم لانوا موضوع هيفيد كل البنوتات
الموضوع هو اننا لما بنتاخر فى الزواج والخطوبه بنتعرض لضغوط نفسيه واجتماعيه بنحتاج فيها لكلمه طيبه وحد يحس بينا وبألمنا عشان كده قلت اننا نساعد بعض ونهون على بعض وكل واحدة تحكى تجربتها وازاى بتواجه المشكلات اللى من النوع دة
ولو فى حد مننا جرب حاجه دعاء اوى شىء يقوله لنا يمكن نستفيد جميعا وربناا ييسر لنا الحال يارب امين
وهدفى من الموضوع ده اننا نساعد بعض نفيد ونستفيد وكل واحدة تعرض علينا تجربتها او الحل من وجهه نظرها
وانا عن نفسى هبدأ
انا اتاخرت فى موضوع الخطوبه ده وجت عليا فترة مكنش بيجى لى حد يتقدم لحد ما قريت فى منتدى موضوع حلو اوى وقلت اجربه وفعلا جاب نتيجه معايا بس للاسف بعدها متمش الموضوع يعنى نصيب زى مبيقلوا بس اتقدملىناس فيعنى اللى هقلهلكوا كويس انك تتقربى لربنا وانشاء الله النصيب هيجىوهو كالاتى
انك كل يوم تصلى ركعتين بعد صلاة العشاء لكدة اربعين يوم وتقولى بعد الصلاة ,, سبحان الذى خلق الازواج كلها مما تنبت الارض ومن انفسهم ومما لا يعلمون,, سبعين مرة
وترددى اثناء اليوم ,, ربى لا تذرنى فردا وانت خير الوارثين ,,
وطبعا كله باذن الله تعالى ومحدش بيعترض على امرو
انا والله عملت كده وفعلا جالى ناس تتقدم لى وقولت اعرض الموضوع واللى عندها تجربه مماثله او اى اقتراح تقولنا عليه
وربنا يرزق جميع بنات المسلمين الازواج الصالحين يارب ويكرم كل بنوتة يارب
ولا تنسوا الدعاء لكل البنوتات وادعولى يارب يوفق الجميع
فى انتظااااااااااااااار ردودكم
يارب يعجبكم اللهم ارزق كل بنات المسلمين يارب امين
موضوع: اللى لسة متخطبتش تدخل هنا بسرعةةةةةةةةةةةةةةةةةةةةةةةةةةةةةةةةةةةةةةة 
الجمعة أغسطس 21, 2009 12:45 am